Az.shafaqna.com BELTA-ya istinadən xəbər verir ki, Belarus prezidenti Aleksandr Lukaşenko ölkədə koronavirus infeksiyası ilə bağlı yaranmış vəziyyəti şərh edib.
“Bizim səhiyyə sistemimiz tab gətirə bildi”, – deyə o bildirib.
“Lakin biz mübarizə dərəcəsini azaltmırıq, baxmayaraq ki, artıq bu gün deyə bilərik ki, biz qalib gəldik”, – deyə o qeyd edib.
O əlavə edib ki, COVID-19 üzərində yekun qələbədən sonra “biz bu gün hələ də postda olan həkimlərimizlə görüşəcəyik”.
Xatırladaq ki, 1 iyula olan vəziyyətə əsasən, Belarusda 62 424 yoluxma qeydə alınıb ki, onların da 47 533 nəfəri sağalıb, 398 nəfər isə dünyasını dəyişib.
