Az.shafaqna.com 1TV-a istinadən xəbər verir ki, 2020-ci ilin 2-ci kvartalında ötən ilin analoji dövrü ilə müqayisədə Gürcüstanda işsizlik səviyyəsi 0,9 faiz artaraq 12,3 faiz təşkil edib.
Bu barədə Gürcüstan Milli Statistika Xidməti (MSX) məlumat yayıb.
2020-ci ilin 2-ci kvartalında ölkə əhalisinin 63,7%-ni əmək yaşında olan (15 yaş və yuxarı) iqtisadi aktiv insanlar təşkil edib. Ötən ilin müvafiq dövrü ilə müqayisədə aktivlik səviyyəsi (həm şəhər, həm kənd yaşayış məntəqələrində) dəyişməz qalıb.
Ölkə üzrə məşğulluq səviyyəsi 0,5% azalıb, şəhər tipli qəsəbələrdə 1,3% azalıb, kənd tipli qəsəbələrdə isə 0,2% artıb.
Üstəlik, 2020-ci ilin 2-ci kvartalında işə götürülmüş əməkdaşların payı işə götürülmüş əməkdaşların ümumi payının 48,6%-ni təşkil edib ki, bu da, ötən ilin analoji dövrü ilə müqayisədə 1,6% azdır.
MSX-in məlumatına görə, kişilər arasındakı işsizlik səviyyəsi qadınlar arasındakı işsizlik səviyyəsindən yüksəkdir. Keçən ilin analoji dövrü ilə müqayisədə 2020-ci ilin 2-ci kvartalında bu göstərici kişilər arasında 0,1%, qadınlar arasında isə 1,8% artıb.
