Az.shafaqna.com “Komsomolskaya Pravda”-ya istinadən xəbər verir ki, SSRİ-nin keçmiş prezidenti Mixail Qorbaçov hesab edir ki, Belarus prezidenti Aleksandr Lukaşenko dəstək üçün fəhlələrə müraciət məsələsində gecikib.
“Lukaşenko dəstək üçün sənaye müəssisələrinin işçilərinə müraciət edib. Lakin, görünür ki, gecdir”, – deyə o bildirib.
Qorbaçov əlavə edib ki, Belarusdakı hadisələrə xaricdən təsirin olduğu hiss olunur.
O həmçinin iddia edib ki, “parçalanma və daxili müharibədən qurtulmaq” üçün SSRİ prezidenti postunu tərk edib.
Xatırladaq ki, Belarusda artıq bir neçə gündür ki, 9 avqustda keçirilmiş prezident seçkilərinin nəticələrinə qarşı etiraz aksiyaları davam edir.
