Az.shafaqna.com CNN-ə istinadən xəbər verir ki, ABŞ-da gün ərzində müəyyən edilən koronavirusa yoluxma halları tezliklə 100 mini keçə bilər.
Bu haqda ABŞ-ın baş infeksionisti Entoni Fauçi xəbərdarlıq edib.
O, senatda çıxış edərkən bildirib ki, hazırda ABŞ-da gündə 40 mindən çox xəstə müəyyən edilir. Onun sözlərinə görə, əgər əlavə tədbirlər görülməsə, bu rəqəm 6 rəqəmli ola bilər.
“(Hökumət) vəziyyətə qətiyyən nəzarət etmir və səhv yolla hərəkət edir”, – deyə o qeyd edib.
Fauçi ölkə rəhbərliyinin müəssəsilərin açılmasına dair təlimatlara kifayət qədər diqqət ayırmaması, həmçinin vətəndaşların sosial məsafə ilə bağlı məsləhətləri qulaqardı etməsi ilə bağlı nahatlığını ifadə edib.
