Az.shafaqna.com xarici mediaya istinadən xəbər verir ki, üz üçün dünyanın ən bahalı qoruyucu maskası hazırda Səudiyyə Ərəbistanındakı “Riyadh Season” zərgərlik salonunda nümayiş etdirilir.
Qızıl və 3 608 ədəd qara və bəyaz brilyantlarlar bəzədilmiş həmin koronavirus maskasının qiyməti 1,5 milyon dollardır.
Maska 3 hissədən ibarətdir. Ön hissəsi – qiymətli daşlarla bəzədilmiş qapaqdır və onun çəkisi 280 qram təşkil edir. Ortada N99 maskasıdır. 3-cü qatda isə birdəfəlik filtrdir.
Qeyd edilib ki, həmin maska bu qədər bəzədilsə də, öz funksiyasını tam şəkildə yerinə yetirir.
Bildirilib ki, maskanın sifarişçisi sifariş zamanı 3 şərt səsləndirib – COVID-19 əleyhinə dünyanın ən bahalı maskası olsun, 31 dekabradək təhvil verilməlidir və sifarişçi anonim qalmalıdır.
