Az.shafaqna.com “Sputnik Georgia”-ya istinadən xəbər verir ki, indiyədək Gürcüstanda koronavirusla bağlı 283 min PZR-test və 180 mindən çox ekspress-test keçirilib.
Bu haqda Xəstəliklərə Nəzarət üzrə Milli Mərkəzin rəhbər müavini Paata İmnadze bildirib.
Onun sözlərinə görə, PZR-testlər hazırda Svanetiya və Kazbeqidə tətbiq edilir, ekspress-testlər isə əsasən yük maşını sürücüləri üçün istifadə edilir.
O qeyd edib ki, gündəlik 4800 PZR-test həyata keçirilir.
O əlavə edib ki, yük maşını sürücüləri 3 gündə 1 dəfə test edilir.
Xatırladaq ki, indiyədək Gürcüstanda 1278 nəfər COVID-19-a yoluxub, onlardan da 1258-i sağalıb, 17-si isə vəfat edib.
