Ermənistanın ikinci prezidenti Robert Koçaryanın başçılıq etdiyi “Hayastan” bloku erkən parlament seçkilərin ilkin nəticələrini “hələ ki tanımağa hazırlaşmır”, bazar günü seçkilərdən sonra “Hayastan” blokun yaydığı bəyanatda deyilir.
Az.shafaqna.com BBC-yə istinadən xəbər verir ki, Koçaryanın başçılıq etdiyi seçki alyansında səsvermə nəticələrini mübahisəli və etimad doğurmayan hesab edirlər.
Onların fikrincə, səsvermənin ilkin nəticələri Ermənistanın ictimai həyatında son 8 ay ərzində müşahidə olunan proseslərə ziddir.
“Müxalif qüvvələrin izdihamlı mitinqləri və hakimiyyətin kiçik saylı tədbirləri, ölkədə hökm sürən etimad böhranı tamam başqa əhval-ruhiyyələrdən xəbər verir. Ciddi etimadsızlıq çatışmazlığına seçki məntəqələrdən alınan mütəşəkkil və planlaşdırılmış saxtakarlıq haqqında yüzlərlə siqnal əsas verir”, – bayantda deyilir.
“Hayastan” bloku qeydə alınmış ehtimal olunan pozuntuları araşdırmağa hazırlaşır, və bütün bu sualların tam cavabı tapılmayınca səsvermənin yekunlarını tanımayacağını bildirir.
