İranda prezidentliyə namizədlər debata çıxıb.
Az.shafaqna.com xəbər verir ki, debatda tənqidlər və maraqlı misallar diqqət çəkib.
Mühafizəkarların ən güclü namizədlərindən olan Ayətullah İbrahim Rəisi İranın iqtisadi problemlərinə görə ABŞ-ın sanksiyalarını günahlandıran və doğru idarəçilik olmadan ölkənin daha pis vəziyyətdə olacağını söyləyən namizədlərin şərhlərini rədd edib.
“Bu, 17 qol buraxan bir qapıçının “mən olmasam 30 qol vurulardı” deməsinə bərabərdir,”, – Rəisi deyib.
O istehsalın maneələri və onların aradan qaldırılması yolları ilə bağlı ona ünvanlanan suala “İstehsalın rövnəq tapması üçün istehsal üçün cazibədarlıq yaradılmalıdır. Təbii qeyri-məhsuldar iqtisadi işlərin cazibədarlığını minimuma endirməliyik. İstehsalçıların vergilərinin azaldılması və qeyri-məhsuldar iqtisadi işlər üzrə verginin yaradılması üçün mexanizmlər qurulmalıdır”, – deyə əlavə edib.
