Az.shafaqna.com “Sputnik Georgia”-ya istinadən xəbər verir ki, Gürcüstan hökuməti 1 iyundan ölkənin quru sərhədlərini açacaq.
Qərar Qurumlararası Koordinasiya Şurasının (QKŞ) iclası zamanı qəbul edilib.
Qeyd edək ki, Gürcüstanın quru sərhədləri pandemiya səbəbi ilə 2020-ci ilin mart ayından qapadılıb.
Ölkə sərhədini tam vaksinasiyaya dair sənəd və ya son 72 saatda edilmiş PZR-testin mənfi nəticəsi ilə keçmək olacaq.
“Belə olan halda, Gürcüstana PZR-test ilə gələn şəxslər növbəti 72 saat ərzində təkrar PZR-testdən keçməlidirlər”, – deyə QKŞ rəsmisi Girogi Gibradze məlumat verib.
O, Gürcüstana səfər etmək istəyən bütün əcnəbilərə tibbi sığortaya sahib olmağı məsləhət görüb, çünki həmin sığorta zərurət halında koronavirus infeksiyasının müalicə xərclərini qarşılayacaq.
