ABŞ-da istehsal müəssisəsində komponentləri qarışdırılan 15 milyon doza “COVID-19″a qarşı peyvəndi “Johnson&Johnson” dərman istehsalı firması zibilxanaya atıb.
Az.shafaqna.com Sputnik-ə istinadla xəbər verir ki, bu hadisə ABŞ-ın Baltimor şəhərində bir əczaçılıq müəssisəsində baş verib. Həmin müəssisədə həm “Johnson&Johnson”, həm də “AstraZeneca” peyvəndi istehsal edilirmiş. Bir səhv nəticəsində peyvəndlərin komponentləri qarışdırılıb və nəticədə milyonlarla doza zibilə atılıb.
Baş verən hadisə ilə bağlı ABŞ-ın Qida və Dərman İdarəsi insan səhvi ilə əlaqədar araşdırma başladıb.
Qeyd edək ki, “Johnson&Johnson”un “Covid-19” peyvəndinin ölkədəki peyvənd prosesini sürətləndirəcəyi gözlənilirdi.
