Rusiya Fövqəladə Hallar Nazirliyinə məxsus “Ka-32” vertolyotu Kalininqrad bölgəsindəki Kurşsk körfəzi rayonunda təlim uçuşu zamanı qəzaya uğrayıb.
Az.shafaqna.com Sputnik-ə istinadən xəbər verir ki, bu barədə Rusiya FHN-i məlumat yayıb.
İlkin məlumata görə, qəza vertolyotun sərt enişi zamanı baş verib və nəticədə bir nəfər ölüb, iki nəfər xilas edilib.
Hazırda yaralılar və ölənlər haqqında məlumat dəqiqləşdirilir.
“Rusiya Fövqəladə Hallar Nazirliyinin “Ka-32″ hava gəmisinin heyəti ilə planlaşdırılan təlim uçuşu zamanı əlaqə kəsilib. 112 sistemindən Polessk şəhərindən beş kilometr məsafədəki Kurşsk hövzəsində vertolyotun qəzaya uğraması barədə məlumat daxil olub”, -deyə FHN-in açıqlamasında bildirilir.
Rusiya İstintaq Komitəsi hadisə ilə bağlı yoxlama təşkil edib.
