Az.shafaqna.com trthaber-ə istinadən xəbər verir ki, Türkiyə Xarici İşlər Nazirliyi hücumla əlaqəli açıqlama verib.

Açıqlamada deyilir: “Demokratik Respublikasının şərqində yerləşən Qoma şəhərində BMT-nin maşın karvanına təşkil edilən hücum nəticəsində İtaliyanın Kinşasadakı səfiri Luca Attanasio ilə cangüdəni və sürücünün həyatını itirdiyini kədərlə qarşılayır və xain hücumu lənətləyirik, dost İtalyan xalqının və hökumətinin ağrısını paylaşırıq, başda İtaliya hökuməti və xalqı olmaqla həyatını itirənlərin ailələrinə və yaxınlarına səmimi qəlbdən başsağlığı veririk”

Xatırladaq ki, dünən Konqo Demokratik Respublikasının şərqindəki Qoma və Bukavu şəhərləri arasındakı yolda BMT-nin Dünya Qida Proqramının maşın karvanına hücum təşkil edilib. Hadisədə İtaliyanın bu ölkədəki səfiri 43 yaşlı Luca Attanasio, cangüdəni və sürücüsü həyatını itirib.