Az.shafaqna.com RİA-ya istinadən xəbər verir ki, Rusiya prezidenti Vladimir Putin koronavirus vaksinindən istifadə etməyib, çünki o, hələ sertifikatlaşdırılmayıb.
Bu haqda Rusiya prezidentinin mətbuat katibi Dmitriy Peskov bildirib.
“Xeyr. O (vaksin), hələ sertifikatlaşdırılmayıb. Hər bir halda dövlət başçısına, yəgin ki, sertifikatlaşdırılmamış vaksin vurmaq elə də yaxşı deyil”, – deyə o qeyd edib.
Xatırladaq ki, Rusiya özünün hazırladığı koronavirus əleyhinə vaksinin 18 iyundan kliniki sınaqlarını keçirir. Sınaqlar könüllü şəxslərin üzərində həyata keçirilir.
