Pakistan prezidenti Asif Əli Zərdari 25 aprel–1 may tarixlərində Çinə rəsmi səfər edəcək.
Az.shafaqna.com xəbər verir ki, bu barədə Pakistan Xarici İşlər Nazirliyi məlumat yayıb.
Zərdari 25–27 aprel tarixlərində Çanşa şəhərinə (Hunan vilayəti), daha sonra isə 28 aprel–1 may tarixlərində Sanya şəhərinə (Haynan vilayəti) səfər edəcək.
Səfər çərçivəsində vilayət rəhbərliyi ilə görüşlər planlaşdırılır və bu görüşlərdə Pakistan ilə Çin arasında ikitərəfli münasibətlər, xüsusilə iqtisadi və ticarət əməkdaşlığı, eləcə də Çin-Pakistan İqtisadi Dəhlizinin (China-Pakistan Economic Corridor) həyata keçirilməsi müzakirə olunacaq.
Qeyd olunur ki, bu səfər iki ölkə arasında yüksək səviyyəli müntəzəm əlaqələr ənənəsi çərçivəsində baş tutur və bu il qeyd olunan diplomatik münasibətlərin qurulmasının 75 illiyi ilə əlaqədar xüsusi əhəmiyyət daşıyır.
