Az.shafaqna.com xəbər verir ki, İranın Tbilisidəki səfirliyi gürcü mənşəli iranlılara dəstək ifadə etmək istəyən Gürcüstan vətəndaşları üçün başsağlığı kitabı açıb.
Diplomatik nümayəndəlikdən bildirilib ki, səfirliyi yerli vaxtla saat 10:00-dan 16:00-dək ziyarət etmək mümkündür. Bu təşəbbüs hərbi münaqişə nəticəsində ABŞ-İsrail tərəfindən qətlə yetirilən günahsız qurbanların xatirəsinə həsr olunub.
“Sizin başsağlığı kitabına yazdığınız qeydlər sadəcə sözlər olmayacaq, onlar tariximizin bir hissəsinə çevriləcək, xalqlarımızı üç minillik münasibətlər çərçivəsində birləşdirən xatirə körpüsü olacaq”, – deyə səfirliyin saytında dərc olunan məlumatda bildirilir.
Sonradan bu kitab gürcü mənşəli icmanın yaşadığı Fereydun tarixi muzeyinə təhvil veriləcək.
Səfirlikdə vurğulanıb ki, bu addım insani dəstəyin və həmrəyliyin sərhəd tanımadığını göstərmək məqsədi daşıyır.
Diplomatik nümayəndəliyin məlumatına görə, martın 26-da İsfahanda yaşayış məntəqələrinə edilən hücumlar nəticəsində XVII əsrdə İrana köçürülmüş insanların nəslindən olan on iranlı gürcü həlak olub. Qurbanlar arasında Xutsişvili, Baratashvili, Onikaşvili, Aslanişvili və Sepiaşvili ailələrinin nümayəndələri də var.
