Bu ilin yanvar-fevral aylarında Azərbaycanda mədənçıxarma sənayesində istehsalın ümumi dəyəri 5 207 mln. manat olmaqla, əvvəlki ilin göstəricisinə nisbətən 0,3% artıb.
Az.shafaqna.com xəbər verir ki, bu barədə Dövlət Statistika Komitəsinin aylıq hesabatında qeyd edilir.
Hesabata əsasən, qeyd olunan ümumi göstəricidən 4 536,4 mln. manat xam neft və təbii qaz hasilatının payına düşüb, bu da illik müqayisədə 0,8% azalma deməkdir.
Mədənçıxarma sənayesi üzrə istehsalın həcmi:
| Fəaliyyət növlərinin adı | 2026-ci ilin yanvar- fevral aylarında istehsal edilib, milyon manat | Əvvəlki ilin müvafiq dövrünə nisbətən (sabit qiymətlərlə), faizlə |
| Mədənçıxarma sənayesi | 5 207 | 100,3 |
| Xam neft və təbii qaz hasilatı | 4 536,4 | 99,2 |
| Metal filizlərinin hasilatı | 157,2 | 135,2 |
| Mədənçıxarma sənayesinin digər sahələri | 32,6 | 91,4 |
| Mədənçıxarma sənayesi sahəsinə xidmətlərin göstərilməsi | 480,8 | 120,2 |
Məlumata görə, hesabat dövründə sahənin əsas məhsulu olan əmtəəlik neft hasilatı 4 331,9 min. ton, əmtəəlik təbii qaz hasilatı isə 6 496,8 mln. kub metr təşkil edib.
Qeyd olunur ki, əmtəəlik neft hasilatı əvvəlki ilin göstəricisi ilə müqayisədə 3% azalıb, əmtəəlik qaz hasilatı isə 3% artıb.
Xam neft və təbii qaz hasilatı üzrə əsas göstəricilər:
| Məhsul növləri | 2026-cı ilin yanvar- fevral aylarında istehsal edilib | Əvvəlki ilin müvafiq dövrünə nisbətən, faizlə | 01.03.2026-cı il vəziyyətinə sənaye müəssisələrinin anbarlarında hazır məhsul ehtiyatı |
| Xam neft və təbii qaz hasilatı | |||
| Xam neft (qaz kondensatı daxil olmaqla), min ton | 4 343,2 | 97 | 257,2 |
| ondan əmtəəlik | 4 331,9 | 97 | 257,2 |
| Təbii qaz, milyon kub metr | 8 187,9 | 102,3 | – |
| ondan əmtəəlik | 6 496,8 | 103 | – |
