2026-cı ildən dövlət ali məktəblərində – universitetlərində oxuyan bütün tələbələrin təhsili tam şəkildə dövlət büdcəsi hesabına qarşılanacaq. Bu isə həmin universitetlərdə təhsilin tamamilə ödənişsiz olacağı deməkdir.
Az.shafaqna.com xəbər verir ki, bu barədə Gürcüstanın təhsil, elm və gənclər naziri Givi Mikanadze bildirib.
Nazir bildirib ki, hökumət həm dövlət, həm də özəl universitetlərdə təhsil alan tələbələr üçün əvvəllər tətbiq olunan maliyyələşdirmə mexanizmini yenidən təqdim etməyi planlaşdırır. Bununla belə, o qeyd edib ki, gələn tədris ilindən özəl ali məktəblərə daxil olan tələbələr dövlət qrantlarından yararlana bilməyəcəklər.
