Qərbdə Gürcüstan ərazisinə tanklar üzərinə soxulmağa hazır olan müəyyən dairələr var.
Az.shafaqna.com “Sputnik Georgia”ya istinadən xəbə verir ki, bu barədə Gürcüstan parlamentinin sədri Şalva Papuaşvili bəyan edib.
Xatırladaq ki, 2024-cü il 28 noyabrda rəsmi Tbilisi ölkənin Aİ-yə daxil olmasına dair danışıqları 2028-ci ilədək gündəlikdən çıxarmaq qərarı qəbul edib. Buna cavab olaraq isə Qərb Gürcüstan hakimiyyətini demokratiyadan imtinada ittiham etməyə başlayıb və dərhal avrointeqrasiya yoluna geri dönməyə, həmçinin Aİ-nin maraqlarına uyğun olmayan qanunları ləğv etməyə çağırır.
Papuaşvili deyib ki, Qərbdə müəyyən qüvvələr var ki, onlar “demokratiyanın” bərpası bəhanəsi ilə Gürcüstan ərazisinə tanklarla daxil olmağa hazırdır.
Onun sözlərinə görə, bəzi siyasətçilər üçün, xüsusilə də Şərqi Avropadakı bəzi siyasətçilər üçün hətta sağlam düşüncə də belə bir qərarı qəbul etməyə mane olmaz.
“Müşahidələrimə əsasən, bəzi şəxslər, xüsusilə də Şərqi Avropada bəzi şəxslər var ki, onların vəzifələri tanklara əl atmağa imkan verir və sağlam düşüncə belə onlara bu cür bir qərarı qəbul etməyə mane olmaz“, – deyə Papuaşvili əlavə edib.
O bildirib ki, hazırda Gürcüstana qarşı tanklar və silahların əvəzinə sanksiyalardan istifadə edilir.
