Az.shafaqna.com “NewsGeorgia”-ya istinadən xəbər verir ki, Gürcüstanda qumar oyunları və narkotik maddələrdən asılı olan gənclər pulsuz telefon konsultasiyası ala biləcəklər.

Bunun üçün xüsusi “qaynar xətt” yaradılıb.

111 nömrəsinə zəng edərək psixoloqla danışmaq olar. Bu xidmət artıq mövcud olan uşaqlar yardım üçün nəzərdə tutulan “qaynar xəttə” əlavə edilib.

111 “qaynar xəttinə” bu xidmətlər daxildir: uşaqlara qarşı zorakılıq, uşaq sağlamlığı, uşaqları təhsili, sosial və digər məsələlərlə bağlı münasibət və konsultasiya.

Psixoloq konsultasiyasını iş günləri saat 10:00-dan 19:00-dək almaq olar. Həmçinin uşaqlar, yeniyetmələr və onların valideyləri, öncədən razılaşmaq şərti ilə, əyani konsultasiya da ala bilərlər.

Xatırladaq ki, ötən il Gürcüstanda 2 gənc kişi intihar edib, onlar son məktublarında qumardan asılı olduqlarını yazıblar.

Hazırda Gürcüstanda 7 onlayn-kazino, 90 totalizator və 6,4 minə yaxın qumar aparatı mövcuddur. Ölkədə təxminən 700 min insan bu qumar alətlərindən istifadə edir.