Az.shafaqna.com-un verdiyi xəbərə görə, İsrail ordusunun 2023-cü il oktyabrın 7-dən etibarən Qəzza zolağında həyata keçirdiyi hücumlarda ölənlərin sayı 42 min 718 nəfərə çatıb.
Qəzzadakı Səhiyyə Nazirliyindən verilən açıqlamada İsrailin 382 gündür Qəzza zolağında həyata keçirdiyi hücumlarla bağlı məlumat verilib.
İsrail ordusunun Qəzza zolağının müxtəlif bölgələrində son 48 saatda həyata keçirdiyi “7 qırğın”da 115 nəfərin öldüyü, 487 nəfərin yaralandığı bildirilib.
Qeyd olunub ki, İsrailin 7 oktyabr 2023-cü ildən etibarən Qəzza zolağına təşkil etdiyi hücumlarda ölənlərin sayı 42 min 718-ə, yaralıların sayı isə 100 min 282-yə yüksəlib.
Bəyanatda dağıntılar altında və yol kənarında hələ də ölənlərin olduğu, lakin İsrail qüvvələrinin maneəsi üzündən tibb işçilərinin və mülki müdafiə rəsmilərinin cəsədlərə çata bilmədiyi də təkrarlanıb.
