2023-cü ilin yanvar-aprel aylarında Gürcüstan və Rusiya arasındakı əmtəə dövriyyəsi, 2022-ci ilin analoji dövrü ilə müqayisədə, 51,5% artaraq 848,6 milyon dollar təşkil edib.
Az.shafaqna.com “Sputnik Georgia”-ya istinadən xəbər verir ki, bu barədə Gürcüstan Milli Statistika Komitəsindən (MSK, “Sakstat”) məlumat verilib.
Həmçinin Gürcüstandan Rusiyaya olan ixrac da 44,6% artıb.
Gürcüstan və Rusiyanın 2023-cü il yanvar-aprel üçün olan xarici ticarət dövriyyəsi:
| Göstərici | Həcm, milyon dollar | Artım, % |
| İxrac | 226,2 | 44,6 |
| İdxal | 622,3 | 54,2 |
| Ümumi | 848,5 | 51,5 |
Gürcüstandan Rusiyaya ən çox sular, o cümlədən də mineral və qazlı sular, minik avtomobilləri, ferro-qarışıqlar ixrac edilir.
Rusiyadan Gürcüstana isə əsasən neft məhsulları, təbii qaz, buğda unu, şüşə qablar, buğda ixrac olunur.
2022-ci ildə ölkələr arasında ümumilikdə 2,5 milyard dollarlıq ticarət baş vermişdi ki, bu da 2021-ci illə müqayisədə 52,3% daha çox demək idi. Gürcüstandan Rusiyaya ixrac 6,8 faiz, Rusiyadan Gürcüstana ixrac isə 79,4 faiz artmışdı.
